SULE … !!!

18 Jun

Cak Markaban isuk-isuk nyangking kresek arep kulakan sandal budhal nang PGS. Budhal numpak bemo nang terminal sawahan, pas lungguh nang njero jek onok wong papat, limo ambek cak Markaban. Sebelahe cak Markaban onok arek cilik rodok umbelen arep budhal sekolah, gak suwe arek cilik iku ndolet tangane cak Markaban “Lek … lek sampeyan  Sule yo !” jare arek cilik iku ambek nyedot umbele “srooot…!!!”. “Dhudhuk Le ….” Jare cak Markaban rodok kudu ngguyu. “Ah iyo sampeyan mesti Sule …!” jare arek cilik iku ambek bolak balik menthelengi rupone cak Markaban. “Dhudhuk … dikandhani wong nggantheng gak ngandel arek iki !” jare cak Markaban suwe-suwe rodok sumpek. “Sampeyan ojok mbujuki aku tahh….aku loh apal ambek rupone Sule !!” jare arek cilik iku jek tetep ngotot. “Iyo wes aku ancen Sule … terus kenek opo lek aku Sule … arep njaluk dibayari numpak bemo tah !!!” jare cak Markaban rodok mangkel. “Enggak njaluk dibayari kok….” Jare arek iku. “Lha terus kenek opo loh??” cak Markaban ghregheten. Trus arek cilik iku nyauti ambek nginchlik mudhun teko bemo “Mangkane kok gak mirip blass yo!”

 

Cerita dan tokoh ini hanya rekaan semata dan disunting dari beberapa sumber,jika ada kesamaan tokoh dan cerita mohon maaf sebesar-besarnya karena ini hanya bagi-bagi senyum semata.

Note : “Jangan pipis sembarangan”

Advertisements

Manuk Beoo…!!!

17 Jun

Cak Mukidi duwe ingon-ingon manuk beo sing pinter nyanyi, sampek cak Markaban tonggone kepincut kepingin nuku beone cak Mukidi. “cak beone sampeyan kok cek pintere lek nyanyi….aku sampek penasaran kepingin ngerti langsung..” jare cak Markaban isuk-isuk nonggo nang omahe cak Mukidi. Akhire cak Mukidi ngudang beone nyanyi, tangan tengene cak Mukidi diangkat dukur koyok dirijen, langsung beone nyanyi “Indonesia tanah airku …. Tanah tumpah darahku….disanalahhh …. ” sak teruse sampek entek. “Waahhh puintere rek beone isok nyanyi lagu Indonesia raya lengkap sampek entek ckckckckckck…..” jare cak Markaban hueran puol sampek ndomblong. “Iku jek tangan tengen sing tak angkat cak … during sing kiwo” jare cak Mukidi. “Wah isok nyanyi lagu opo lek tangan kiwo sampean diangkat ?” jare cak Markaban tambah heran. Mari ngono cak Mukidi ngudang beone ambek ngangkat tangan kiwone dukur-dukur, beone langsung nyanyi lagune Afgan judule Panah Asmara “Berdebar rasa di dada setiap kau tatap mataku….. “ sampek entek. “Ckckckckckckck….. jangkriiik pinter temen manuk iki rek” jare cak Markaban ndomblong.

Akhire cak Markaban kepingin nyobak pas diangkat tangan tengene dukur-dukur beone langsung nyanyi Indonesia Raya, pas tangan kiwone diangkat dukur-dukur nyanyi lagune Afgan Panah Asmara. “Cak aku penasaran lek tak angkat tanganku karo-karone beone isok nyanyi opo yo kiro-kiro…? Takon cak Markaban penasaran puol nang cak Mukidi. “Yo cobaken dewe loh …. Lek peno penasaran” jare cak Mukidi mesem. “Yo wes …..!!!” jare cak Markaban langsung ngangkat tangan karo-karone dukur. Gak suwe beone langsung muni “MMbboookkk ambuuuneeeee …. kecuuttteee rreeeekkk…. Ndang moleho kono … adhus dhiseeekk !!!!”

Cerita dan tokoh ini hanya rekaan semata dan disunting dari beberapa sumber,jika ada kesamaan tokoh dan cerita mohon maaf sebesar-besarnya karena ini hanya bagi-bagi senyum semata.

Note : “Jangan pipis sembarangan”

TELAT … !!!

3 Jun

Sakwijine dino isuk-isuk nang perumahan daerah babat jerawat suroboyo sebelah kulon mentok …, ning Jupe ngomong nang cak Mu’ali bojone lek deweke meteng, “cak Mu’ali aku telat sak ulan loh…tapi sampean ojok ngomong sopo-sopo loh yo….engkok isin lek gak sido meteng..!” jare ning Jupe ngilingno nang cak Mu’ali bojone.

Mene isuke, onok cak Kusen petugas PLN sing biasa nagih listrik ngethok lawang. Sak wise dibukakno karo ning Jupe, “ Buk sampeyan telat sak ulan..!” jare cak Kusen nagih listrik nang ning Jupe. “ Heeh…sampeyan kok eroh lek aku telat sak ulan ??” takon ning Jupe ambek heran. “ Aku duwe cathetane loh buk..” jare cak Kusen ambek mbukak buku tagihan listrik.

Mene awane cak Mu’ali morang-moring nang kantor pembayaran listrik sak wise diomeli bojone kok sampek onok sing ngerti lek deweke telat sak ulan. Ketepakan ketemu ambek cak Kusen sing wingi nagih nang omahe cak Mu’ali. “Yok opo iki … sampeyan kok ngerti lek bojoku telat sak ulan ???” jare cak Mu’ali ambek mentheleng. “ Sabar pak … Lek sampeyan kepingin cathetane dihapus…sampeyan tinggal mbayarae nang kene” jare cak Kusen rodok bijak thithik.    “ Lha lek aku gak gelem mbayar kate laopo koen !!” bengok cak Mu’ali rodok mangkel ambek nglinthing lengene klambi. “ Yo nggone sampeyan tak pedhot..!” jare cak Kusen tenang ambek nyekel gunting diobah-obahno. “Lha lek nggonku mbhok pedhot…bojoku nang omah nggawe opoo Heee !!” jare cak Mu’ali tambah gregeten ndelok prejengane cak Kusen sing ngeyel. “Yo bojone sampeyan kan isok nggawe lilin..” jare cak Kusen kalem.

Cerita dan tokoh ini hanya rekaan semata dan disunting dari beberapa sumber,jika ada kesamaan tokoh dan cerita mohon maaf sebesar-besarnya karena ini hanya bagi-bagi senyum semata.

Note : “Jangan pipis sembarangan”

%d bloggers like this: