LOMBA…!!!

27 May

Cak Mukidi ambek Ning Jupe wes suwe olehe bebojoan, kiro-kiro wes limolas taunan. Suwene sak mono iku deweke durung duwe anak. Cek uripe gak bosen ning Jupe sering duwe ide nggawe lomba karo cak Mukidi bojone. Lombane macem-macem sembarang kalir pokoke gawe ngisi kegiatan nang omah dari pada plongah-plongoh. “Walaaah mosok bolak balik kalah terus rek karo bojoku….!!!” sambat cak Mukidi mari kalah telak 5-0 lomba mepe kumbahan klambi ambek mlayu teko njeding munggah nang memehan ndukur omah. “Mangkane tah cak … sampeyan iku sing gesit tah … mosok mlayu koyok bekecot … kapan menange !!” sahut ning Jupe ngilokno bojone ambek mringis.

Mene sorene cak Mukidi meres utek, mikir yok opo carane isok ngalahno bojone. Wes rong wengi cak Mukidi mikir nggawe lomba opo sing sip. Akhire isuke cak Mukidi sumringah ambek suitan koyok ngudang manuk.

“Akhire aku duwe ide nggawe lomba sing bojoku mesti kalah karo aku hehehehehe….” batin cak Mukidi seneng pol. Pas ketemu bojone, “Ayo dik saiki awake dewe lomba … dino iki aku mesti menang..!! jare cak Mukidi optimis. “Yo wes ayo cak…lomba opo tak tandangane kene..!!” jare ning Jupe ambek mengkerik tangane. “Lomba adoh-adohan ngoyoh…sopo sing ngoyohe paling adoh iku sing menang…!!” jare cak Mukidi mesem licik.

Akhire cak Mukidi nggawe garis bates gawe lomba ngoyoh adoh, “Tapi iki onok syarate yo dik… lek ngoyoh kudu ngadeg gak oleh ndhodhok…!!” jare cak Mukidi nggheghek. Lomba wes dimulai, ning Jupe kebagian dhisikan, ambek ngadeg ning Jupe mulai ngoyoh, ga suwe mari ngono gilirane cak Mukidi, “Saiki wayahku yo dik …!!” jare cak Mukidi ambek mbukak kathoke. “Sek-sek…supoyo adil aku yo njaluk syarat..!!” jare ning Jupe. “Yo wes dik opo syarate..wes ketok kalah kok athik macem-macem” jare cak Mukidi gak sabar. ning Jupe akhire nyebutno syarate “Sampeyan lek ngoyoh gak oleh dighoceki karo tangan yoo !!!”.

Cerita dan tokoh ini hanya rekaan semata dan disunting dari beberapa sumber,jika ada kesamaan tokoh dan cerita mohon maaf sebesar-besarnya karena ini hanya bagi-bagi senyum semata.

Note : “Jangan pipis sembarangan”

Advertisements

2 Responses to “LOMBA…!!!”

  1. penikmatfajar May 27, 2011 at 4:06 am #

    yo iku repote lek duwe bojo puinter……
    mangkane… ayo..sekolaaah….huehehe

    • messoirawan May 28, 2011 at 2:08 am #

      wkkkkk…….. mukidi mukidi sakjane wes sekolah cuman ga nutut … gak nututi uteke

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: