Kuntilanaaakk….!!!

25 May

Pas tengah wengi kiro-kiro jam setengah loroan nang pinggir dalan Rungkut Tengah ketok cak Kusen ongap-angop ambek mancal becake. Ndilalah moro-moro onok arek wedhok ayu putih mulus ngedhang becake cak Kusen. “ Stop-stop cak…! ” cegat arek wedhok iku. Cak Kusen ngerem ndhadhak …. ciiiittt!!!”.., “Walah ning sampek kaget aku …” jare cak Kusen ambek mripate kriyep-kriyep. “Bengi-bengi ngene sampeyan kok jek kluyuran ning .. mari moleh kerjo tah ?”  takon cak Kusen ambek mbatin cek ayune arek wedhok iki wangi pisan. “ Iyo cak aku nunut terno moleh po’o cak … duwekku wes entek iki, arep mlaku kok cek adohe .. wes pegel pisan ..” jare arek wedhok iku ambek melas. “Yo wes gakpopo ning tak terno nang omahe sampeyan .. sakno aku karo sampean arek wedhok ayu kok moleh mlaku ..” jare cak Kusen, “Wah kapan maneh isok kenalan karo arek wedhok ayu … sopo ngerti isok dijak sir-siran hehehe …  lumayaann” bathin cak Kusen rodok ngeres uteke. “Nang sebelah endi dik omah sampeyan … ??” takon cak Kusen ambek mringis. “Iku loh cak nang ngarepan kono kiro-kiro sak kilo maneh ..” jare arek wedhoke.

Pas becake cak Kusen lewat dalan sepi dowo sing kiwo tengene onok kuburan athik lampu dalane kriyep-kriyep koyok mripate cak Kusen. “Dik sampeyan kok cek kendhele moleh dhewe’an bengi-bengi athik dalane kudu liwat kuburan pisan … sebelah endi omahmu dik??” jare cak Kusen rodok mengkirik jithoke. “Hop-hop…!!  wes kene cak … aku mudun keneae…!” jare arek wedhok ayu iku. “Lho sebelah endi omahmu dik ? … iki lak jek tekan tengah kuburan gak ketok omah blas nang kene….!” Takon cak Kusen ambek clingak-clinguk. “Yo nang kene iki cak omahku … hihihihihihihihihihi..uhuk uhuk!!!” arek wedhok iku mau mudhun becak ambek mringis medheni sampek keselek saking semangate ngguyu. Cak Kusen kuaget setengah mati pas ndelok ngguyune ambek ndelok ngisor lha kok sikile arek wedhok iku ngawang gak nemplek lemah. Akhire cak Kusen pucet ambek ndhredheg kabeh sak awak trus mbengok “Gon…gon… gondoo …. gondoruWOOOOO .. !!!!”.  “Hop-hop sek … aku tersinggung iki … cek koplake koen iku wong ayu-ayu ngene jare gondoruwo … aku iki kuntilanak .. hihihihihihihi..!!!” protes arek wedhok iku ambek mringis medheni. “Eh iyo … !” jare cak Kusen gak sadar lek kliru, mari ngono cak Kusen tambah kecirit ngompol njingkat ambek mbengok maneh “Kun … kun … kunti … Kuntilllll ….. KuntiiiilllllaaaannnAAAAAAAKKKKK !!!!!!” , mari di bengoki cak Kusen buanter koyok ngono, arek wedhok sing tibake kuntilanak iku mau kroso tersinggung maneh, akhire mbales nyauti “Bhabhano masiyo aku kuntilanak tapi lak ayu … dari pada koen Tukang becAAAAAAKK !!!!”.

Cerita dan tokoh ini hanya rekaan semata dan disunting dari beberapa sumber,jika ada kesamaan tokoh dan cerita mohon maaf sebesar-besarnya karena ini hanya bagi-bagi senyum semata.

Note : “Jangan pipis sembarangan”

Advertisements

2 Responses to “Kuntilanaaakk….!!!”

  1. penikmatfajar May 25, 2011 at 3:11 am #

    Pancen daerah kunu akeh demit e blo… Jaman biyen daerah rungkut iku alas gung liwang liwung, jalma moro jalmo mati, panggonane jin buwak anak … Opomaneh daerah blok eM A …. Wuihhh ngeriiii… Hiyyyyy…

    • messoirawan May 25, 2011 at 6:47 am #

      wkkkk…..lek nang MA gak mbak kunti thok he …. onok gajah ambek megaloman barang….. hiiiiiii aku nulis iki yo melok mbrinding …..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: